Një person është ekzekutuar brenda banesës së tij në qytetin e Shkodrës. Ngjarja e rëndë ka ndodhur mesditën e 2 majit, në lagjen “Tom Kola” pranë “Varrezave katolike” në periferi të qytetit.

Viktimë ka mbetur Petrit Vuksani, 51 vjeç, ku autori ka hyrë në banesën e tij dhe më pas e ka qëlluar me armë zjarri për vdekje.

Viktima Petrit Vuksani

“Rreth orës 12:15, në lagjen “Tom Kola”, në rrethana ende të paqarta, në banesë, është vrarë me armë zjarri shtetasi P. V., 51 vjeç. Shërbimet e Policisë dhe grupi hetimor kanë shkuar menjëherë në vendngjarje”, njofton policia.

51-vjeçari nga fshati Gimaj i Dukagjinit sapo ishte kthyer nga Anglia ndërsa në momentin e vrasjes ka qenë i vetëm në shtëpi kur autori është futur dhe e ka qëllua. Autori është identifikuar nga policia si Lekë Vuksani, i cili i kishte dhënë banesën me qira viktimës

Sipas policisë, autori Lek Vuksani ka shkuar te banesa e Petritit t’i merrte lekët e qirasë por të dy janë konfliktuar dhe më pas autori ka shkrepur automatikun duke lënë të vdekur në vend 51-vjeçarin.

Në zonën ku ka ndodhur vrasja ka kamera sigurie që mund të ndihmojnë grupin hetimor  për të rënë në gjurmët e tij.

Policia ka ngritur pika kontrolli dhe po ushtrohet kontroll në zonë për kapjen e autorit, ndwrsa “grupi hetimor vijon punën për sqarimin e rrethanave të ngjarjes, si dhe për sigurimin e çdo prove”.

/rtsh.al/