Arrestohet në Athinë i dënuari me 15 vite burg për trafikim të miturish

Aktualitet | 4 vite më parë

Një 55 vjeçar shqiptar i dënuar me 15 vite burg për trafikim të të miturve është arrestuar në Athinë.

Kujtim Demiri, ishte shpallur në kërkim ndërkombëtar dhe fshihej në kryeqytetin grek.

Ky shtetas ishte shpallur në kërkim ndërkombëtar pasi Gjykata e Krimeve të Rënda, në vitin 2010, e ka dënuar me 15 vjet burgim, për veprën penale “Trafikimi i të miturve”, kryer në bashkëpunim.

“Shtetasi Kujtim Demiri kishte kaluar në mënyrë të paligjshme, nga Shqipëria për në Greqi, një shtetas të mitur dhe nëpërmjet dhunës e ka detyruar atë që të lypë, përreth 1 vit” informoi sot policia e shtetit.

Operacioni u kodua “Capital” dhe lokalizimi i tij në Athinë u bë pas informacioneve të dërguara nga Interpol Tirana.

Vijojnë procedurat për ekstradimin e këtij shtetasi nga Greqia drejt vendit tonë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.