Një 38-vjeçare shqiptare është gjetur e vrarë në shtëpinë e saj në Itali.

Mediat italiane bëjnë me dije se bëhet fjalë për Anila Ruçin, e cila u gjet e vrarë me thikë në fyt në Scaldasole në provincën e Pavias, ndërsa bashkëjetuesi i saj Osman Bilyhu është plagosur. Bilyhu ka marrë plagë në qafë, krah dhe stomak, ndërsa ka arritur të shpëtojë duke u tërhequr zvarrë nga pallati. 38-vjeçarja e kishte prezantuar Bilyhun te fqinjët, si vëllain e saj.

Alarmin për vrasjen e ngriti estetistja e fshatit me të cilën Anila Ruci kishte lënë takim dhe kur nuk mbërriti, ka njoftuar policinë.

Dëshmia e të mbijetuarit që po merr trajtim në spital do të jetë vendimtare për të zbuluar detajet. Hetuesit po hetojnë ende marrëdhënien mes gruas së vrarë dhe burrit, i cili tani është shtruar në spital në poliklinikën San Matteo në Pavia.

Viktima punonte si kujdestare për të moshuarit dhe kishte rreth 1 vit që jetonte në Scaldasole.

/rtsh.al/