Aksident në aksin Lezhë-Milot/ Autoambulanca përplaset me makinën, plagoset drejtuesi i “Ford-it”

Aktualitet | 4 vite më parë

Një aksident ku është përfshirë edhe një mjet i ndihmës së shpejtë ka ndodhur mëngjesin e kësaj të diele (16 prill) në autostradën Lezhë-Milot, në vendin e quajtur kryqëzimi i Shënkollit.

Një autoambulancë e spitalit të Laçit është përplasur me një automjet tip “Ford” dhe për pasojë ka mbetur i plagosur drejtuesi i mjetit “Ford”.

Ai është dërguar me urgjencë për ndihmë mjekësore në spitalin rajonal të Lezhës, ndërsa policia ka nisur hetimet për zbardhjen e shkaqeve dhe rrethanave të këtij aksidenti.

Ky është një nga kryqëzimet me numër të lartë aksidentesh në rrugët që përshkojnë Lezhën.

Gazetare: Heriselda Dyrmishi

/rtsh/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.