Aksident në Fier/ Makina përplas për vdekje 50-vjeçarin me biçikletë

Aktualitet | 4 vite më parë

Një aksident me pasojë vdekje ka ndodhur mbrëmjen e së enjtes (6 prill) në Fier. Policia bën me dije se një automjet tip “Benz” me drejtues shtetasin A. A., 63 vjeç, ka përplasur një 50 vjeçar, i cili ishte duke udhëtuar me biçikletë, ku dhe ka ndërruar jetë.

Mësohet se ngjarja ndodhi rreth orës 20:30, në vendin e quajtur “Kthesa e Patosit”, ndërsa identiteti i viktimës nuk është bërë ende i ditur.

Ndërkohë, drejtuesi i mjetit është shoqëruar në ambientet e Policisë, për kryerjen e veprimeve të mëtejshme procedurale ndërsa grupi hetimor po punon për përcaktimin e shkaqeve të aksidentit dhe identifikimin e viktimës.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.