Moti i keq në Durrës, pezullohet peshkimi

Aktualitet | 4 vite më parë

Gjiri i Durrësit është zgjuar sot nga një mot i paqëndrueshëm. Që nga ora 5:00 e mëngjesit rajoni në fjalë shoqërohet nga shtrëngata shiu dhe erëra të forta.

Burime nga kapiteneria e portit në Durrës bëjnë të ditur se forca e erës është 10-12 metër në sekondë ndërsa valëzimi i detit 4 ballë.

Për shkak të këtyre kushteve, kapiteneria ka sugjeruar që anijet e tonazhit të ulët, kryesisht flota e peshkimit, të qëndrojnë në pritje dhe të shmangin daljen në det për gjueti.

Në lidhje me lundrimet e trageteve, ata kanë ardhur sipas orarit.

Rreth orës 8 të mëngjesit mbërriti trageti i nisur mbrëmjen e djeshme nga porti i Barit, ndërkohë që po dje në mesnatë është nisur trageti i planifikuar nga porti i Durrësit drejt Barit.

Situata në fjalë pritet të përmirësohet gjatë orëve të pasdites.

/rtsh/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.