Kërcënoi me armë dhe i mori makinën 32-vjeçarit, në kërkim i riu në Tropojë

Aktualitet | 4 vite më parë

Një i ri është shpallur në kërkim nga policia e Tropojës për veprat penale “Vjedhja me armë”, “Kanosja” dhe “Prodhimi dhe mbajtja pa leje e armëve luftarake dhe e municionit”.

Sipas njoftimit nga policia, 22-vjeçari me iniciale E.P, banues në fshatin Breg Lumë në Tropojë ka kërcënuar me armë zjarri një 32-vjeçar e më pas ka marrë automjetin e këtij të fundit, duke u larguar.

Gjatë ndjekjes nga Policia, 22-vjeçari braktisi automjetin tip “Lançia” të 32-vjeçarit me iniciale G. N., , në vendin e quajtur “Kalata e trageteve” në Fierzë, ndërsa është larguar. Policia po punon për kapjen e 22-vjeçarit ndërsa përplasja mësohet të ketë ardhur për shkak të një konflikti për motive të dobëta.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.