Një tjetër vepër artistike të programit të ri të Ministrisë së Kulturës, “Art në hapësirat publike” është vendosur në mesin e rrethrrotullimit në Malësinë e Madhe, në aksin kombëtar që lidhet me pikën kufitare të Hanit të Hotit. Lajmin e bën të ditur, Kryeministri Edi Rama i cili përmes një postimi në Facebook ka publikuar pamje të bredhit metalik. 

“Dhe me një prej veprave të para të programit të ri të Ministrisë së Kulturës, “Art në hapësirat publike”, e vendosur në Malësinë e Madhe, në aksin kombëtar që lidhet me pikën kufitare të Hanit të Hotit, realizuar nga artisti Sadik Spahija, ju uroj një të diel të mbarë”, shkruan kryeministri. 

Vepra artistike “Zabel” mban emrin e skulptorit Sadik Spahija. Vepra është punuar me shumë mjeshtëri si ndërthurje mes metalit, drurit. Me këtë vepër autori ka konkurruar më parë në konkursin ndërkombëtar “Arti në hapësira publike” dhe ka qenë ndër ata që janë shpallur fitues.

/rtsh.al/