Amos Hochstein, një këshilltar i lartë i presidentit amerikan, Joe Biden, u takua me zyrtarë në Bejrut të martën në një përpjekje për të gjetur një zgjidhje diplomatike për të shmangur një luftë më të madhe.

Sulmet ndërkufitare mes Izraelit dhe grupit militant libanez Hezbollah kanë ndodhur pothuajse çdo ditë që nga fillimi i luftës në Gaza në tetor dhe u përshkallëzua në mënyrë dramatike një javë më parë, pasi Izraeli vrau një komandant të lartë të Hezbollahut, në një sulm në Libanin jugor.

Ndërkohë, Gjykata e Lartë e Izraelit dëgjoi argumentet të martën në lidhje me një ligj që i jep ministrit të Sigurisë Kombëtare të ekstremit të djathtë Itamar Ben-Gvir pushtet gjithëpërfshirës mbi policinë.

Ben-Gvir është dënuar tetë herë për vepra që përfshijnë racizmin dhe mbështetjen e një organizate terroriste hebreje. Si ministër i sigurisë kombëtare, ai ka inkurajuar policinë të marrë një linjë të ashpër kundër protestuesve antiqeveritar dhe ka mbështetur në mënyrë aktive oficerët e akuzuar për përdorimin e forcës së tepruar kundër palestinezëve.

Zyrtarët izraelitë thonë se kryeministri Benjamin Netanyahu shpërndau kabinetin e tij të luftës, i cili kishte për detyrë të drejtonte luftën në Gaza një javë pasi Benny Gantz, një ligjvënës popullor i opozitës dhe ish-shefi ushtarak, dha dorëheqjen nga koalicioni qeverisës prej tre personash i Netanyahut i zhgënjyer se si ishte duke u trajtuar lufta. AP

/rtsh.al/