Presidenti amerikan Joe Biden pritet të konsultohet me ekipin e sigurisë kombëtare për ngjarjet në Lindjen e Mesme si pasojë e sulmeve të pritshme nga Irani.  

Ndërkaq, vendet e tjera po paralajmërojnë qytetarët që të shmangin udhëtimet drejt Iranit, Libanit, Izraelit dhe territoreve të pushtuara palestineze mes kërcënimeve të mundshme të tensioneve rajonale të rritura të nxitura nga lufta e Izraelit në Gazë.

Franca u bëri thirrje qytetarëve të saj të premten që të kenë kujdes nga vendet e rajonit. India, Gjermania, Kanadaja dhe Shtetet e Bashkuara lëshuan këshilla të ngjashme udhëtimi për qytetarët.

Linjat ajrore pezullojnë fluturimet, transportuesi holandez KLM njoftoi të shtunën se do të ndalonte fluturimet mbi Iran dhe Izrael si një masë paraprake.

Transportuesi do të vazhdojë të fluturojë drejt dhe nga Tel Aviv.

“KLM përdor një sistem të menaxhimit të sigurisë për të përcaktuar nëse një fluturim në një destinacion të caktuar mund të operohet në mënyrë të sigurt. Ne jemi gjithashtu në kontakt të drejtpërdrejtë me qeverinë holandeze dhe qeveritë e tjera. Kjo analizë tregon se ne ende mund të fluturojmë të sigurt për dhe nga Tel Aviv”, thuhet në një deklaratë të KLM.

Si Austrian Airlines ashtu edhe Lufthansa njoftuan pezullimin e fluturimeve për dhe nga kryeqyteti iranian i Teheranit deri më 18 prill.

/rtsh.al/