Sulm me armë në një shkollë fillore në Finlandë, vritet një nxënës, plagosen 2 të tjerë

Botë | 3 vite më parë

Të shtëna me armë janë regjistruar në një shkollë fillore në qytetin Vanda të Finlandës. Si pasojë e sulmit, një nxënës i moshës 13-vjeç ka humbur jetën, ndërsa 2 të tjerë kanë mbetur të plagosur.

Policia ka bërë të mundur arrestimin e autorit, po ashtu 13-vjeçar, ndërsa bëhet me dije se shkolla fillore frekuentohej nga 800 nxënës të moshës 7-15 vjeç.

“Një incident me të shtëna është raportuar në një shkollë në Vantaa në Finlandë. Një numër i panjohur njerëzish janë plagosur nga të shtënat në shkollën afër Helsinkit”, tha policia finlandeze në një deklaratë.

Më herët policia u kishte kërkuar kalimtarëve që të mos i afroheshin zonës dhe banorëve të qëndronin në shtëpi dhe të mos hapnin derën për të panjohurit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.