Sulmi izraelit në kampin e refugjatëve, vriten 11 palestinezë, përfshirë stafin mjekësor

Botë | 3 vite më parë

Të paktën 11 persona kanë mbetur të vdekur pas një sulmi ajror izraelit ndaj një kampi refugjatësh pranë një materniteti në Rafah.

Ka qenë Ministria palestineze e Shëndetësisë në Gaza e cila ka bërë të ditur se palestinezët e zhvendosur ishin strehuar në tendat jashtë portave të Maternitetit të Emirateve në Tal Al-Sultan në Rafah, qyteti më jugor i Gazës.

Ministria tha se rreth 50 persona, përfshirë fëmijë mbetën të plagosur në grevë. Një paramedik që punon në spital i quajtur Abdel Fattah Abu Marhi dhe një infermiere janë në mesin e të vdekurve.

Nga ana tjetër forcat e mbrojtjes izraelite kanë pretenduar se ka shënjestruar terroristët e Xhihadit Islamik në Rafah dhe se spitali në zonë nuk u dëmtua.

“Më parë sot (e shtunë), IDF dhe ISA shënjestruan terroristët e Xhihadit Islamik dhe infrastrukturën terroriste në zonën e Rafahut”, thuhet në deklaratë. Sulmi i saktë u krye kundër terroristëve të Xhihadit Islamik dhe nuk u shkaktua asnjë dëm në spitalin në zonë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.