Shembet një urë në ndërtim në Holandë, 2 viktima dhe 2 të plagosur

Botë | 3 vite më parë

Dy persona kanë humbur jetën dhe dy të tjerë kanë mbetur të plagosur në Holandë, pasi një urë në ndërtim e sipër u shemb.

Autoritetet kanë nisur një hetim për të përcaktuar shkakun e aksidentit.

Sipas dëshmive në vendngjarje, punëtorët po ngrinin harqet e urës kur struktura u shemb.

Sipas Inspektoratit Holandez të Punës, pjesë të urës ranë mbi dy persona. Shumë punëtorë që ishin dëshmitarë të aksidentit po marrin mbështetje psikologjike.

Në zonë ishin mbledhur edhe shumë banorë për të parë ecurinë e punimeve dhe panë aksidentin, pasi ishte paralajmëruar se sot do të fillonte montimi i urës. Disa kishin shkuar posaçërisht për të dëshmuar fazën përfundimtare të projektit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.