Rusia po hyn në vitin e tretë të luftës me Ukrainën duke arkëtuar një sasi të paprecedentë parash në arkat e qeverisë, e përforcuar nga shitja rekord prej 37 miliardë dollarësh e naftës së papërpunuar në Indi vitin e kaluar.

Sipas një analize të që bëjnë ekspertët e ekonomisë dhe gjeopolitikës arrihet në përfundimin se një pjesë e naftës së papërpunuar u dërgua në Indi dhe më pas u eksportua në Shtetet e Bashkuara si produkte nafte me vlerë më shumë se 1 miliard dollarë.

Qendra për Kërkime për Energjinë dhe Ajrin e Pastër (CREA) shpjegon se ky fluks pagesash, përfundimisht në dobi të Moskës, vjen nga India duke rritur blerjet e saj të naftës së papërpunuar ruse me mbi 13 herë sasinë e saj të paraluftës.

Kjo do të thotë se partneri strategjik i SHBA-së, Nju Delhi, ndërhyn për të zëvendësuar blerjet e naftës së papërpunuar nga blerësit perëndimorë, të reduktuara nga sanksionet për pushtimin rus të Ukrainës, transmeton CNN.

Ndërsa shitjet e naftës së papërpunuar ruse në Indi nuk i nënshtrohen sanksioneve dhe janë plotësisht legjitime, një ekzaminim i rrugëve të transportit nga ekspertët sugjeron se ky vëllim i madh dërgesash mund të përfshijë “flotën hije” të cisternave të papërpunuara, të krijuar posaçërisht nga Moska.

/rtsh.al/