Borrell: Vladimir Putin do të mbajë përgjegjësi për vdekjen e Navalnyt

Botë | 3 vite më parë

Shefi i politikës së jashtme të Bashkimit Evropian Josep Borrell është zotuar se presidenti rus Vladimir Putin do të mbajë përgjegjësi për vdekjen e Alexei Navalny.

“Ne i shprehëm ngushëllimet më të thella të BE-së për Julia Navalnaya. Vladimir Putin dhe regjimi i tij do të mbajnë përgjegjësi për vdekjen e Alexei Navalny. Siç tha Yulia, Putini nuk është Rusia. Rusia nuk është Putini. Ne do të vazhdojmë mbështetjen tonë për shoqërinë civile të Rusisë dhe mediat e pavarura”, shkroi Borrell në rrjetin social X.

Pak ditë më parë, Yulia Navalnaya, e veja e Aleksei Navalnyt i cili humbi jetën në burgun e Arktikut u zotua se do të vazhdojë luftën politike të bashkëshortit të saj dhe u bën thirrje rusëve t’i bashkohen vizionit të saj për një “Rusi të lirë” kundër Vladimir Putin.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.