SHBA gati për sanksione të reja ndaj Rusisë, Biden: Të na bashkohen edhe republikanët

Botë | 3 vite më parë

Presidenti i Shteteve të Bashkuara të Amerikës Joe Biden ka bërë të ditur se SHBA po shqyrton vendosjen e sanksioneve të mëtejshme ndaj Rusisë, pas vdekjes së Alexi Navalnyt.

Duke folur për gazetarët në Uashington, Biden tha se ai është i gatshëm të takohet me kryetarin e Dhomës së Përfaqësuesve, Mike Johnson për të diskutuar projekt-ligjin për financimin e luftës së Ukrainës kundër Rusisë.

Paketa e ndihmës prej 95 milionë dollarësh për Ukrainën, e cila u miratua në Senat në fillim të këtij muaji, nuk ka dalë ende për votim në Dhomë, të cilën republikanët e kontrollojnë.

“Republikanët po bëjnë një gabim të madh duke anashkaluar kërcënimin rus”, tha Biden, duke shtuar se shpreson që vdekja e Navalny do t’i nxisë republikanët të mbështesin ndihmën për Ukrainën.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.