Pas diagnostikimit me kancer, mbreti Çarls bën daljen e parë publike

Europë | 3 vite më parë

Mbreti i Britanisë së Madhe, Çarlsi i Tretë ka ndjekur meshën në kishën në Sandringham, në daljen e tij të parë publike që kur pallati mbretëror njoftoi diagnostikimin e tij me kancer.

Mbreti u shfaq i buzëqeshur dhe përshëndeti me dorë ndërsa po ecte jashtë kishës së Shën Marisë Magdalena me gruan e tij, mbretëreshën Kamila.

Dalja publike vjen pasi Mbreti falënderoi njerëzit të shtunën për “mbështetjen dhe urimet e tyre të mira” që nga lajmi.

Ai tha se të gjithë të prekurit nga kanceri e dinin se “mbështetje të tilla janë ngushëllimi dhe inkurajimi më i madh”.

Rreth 100 dashamirës u mblodhën të dielën, ndërsa mbreti hyri në kishë. Turmat u mblodhën rreth portave të pronës private Norfolk, por nuk u lejuan të hynin në oborrin e kishës. Mbreti është tërhequr nga të gjitha detyrat e tij ndërsa po trajtohet për kancerin./ BBC

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.