Protestuesit izraelitë kanë bërë thirrje për zgjedhje të reja ndërsa zhgënjimi rritet për trajtimin e krizës  nga qeveria e Netanjahut rreth pengjeve të kapura nga Hamasi.

Mbështetësit dhe familjet e pengjeve të rrëmbyer në Gaza nga Hamasi gjatë sulmit terrorist të 7 tetorit kanë mbajtur rregullisht protesta dhe ulje që nga fillimi i luftës, por kryesisht janë larguar nga mesazhet e forta politike.

Protesta antiqeveritare e titulluar “Thirrje për zgjedhje tani!” do të zhvendoset sot në qendër të Tel Avivit. Kjo është fundjava e tretë me radhë e protestave të cilat i adresohen drejtpërdrejt kryeministrin Benjamin Netanjahu dhe qeverinë e tij.

“Qeveria e Izraelit deklaron në veprimet e saj se nuk është kompetente dhe nuk po vepron për të mirën e shtetit dhe qytetarëve të saj. Ne do të dalim për të demonstruar se e ardhmja jonë varet vetëm nga ne – ne njerëzit do ta përcaktojmë fatin tonë!”, shprehen protestuesit.

Protestuesit kanë planifikuar tjetër protestë të shtunën e ardhshme, teksa ato po bëhen një dukuri e rregullt, megjithëse jo ende në të njëjtën shkallë me demonstratat masive kundër Netanjahut dhe qeverisë së tij pranverën dhe verën e vitit të kaluar.

Qeveria e Netanjahut – më e djathta në historinë e Izraelit – rezistoi për muaj të tërë protestash masive vitin e kaluar për reformat e saj të planifikuara gjyqësore.

Por Netanjahu dhe qeveria e tij kanë refuzuar të pranojnë kërkesat e protestuesve.

Demonstratat u pezulluan pas sulmit brutal të 7 tetorit dhe formimit të qeverisë së unitetit emergjent. Por me rritjen e zemërimit për trajtimin e krizës nga Netanjahu, ata mund të kthehen së shpejti.

/rtsh.al/