Një javë para zgjedhjeve në Pakistan, kandidati qëllohet për vdekje

Botë | 3 vite më parë

Një kandidat për zgjedhje në Pakistan u qëllua për vdekje gjatë fushatës të mërkurën (31 janar), një javë para hapjes së votimeve.

Rehan Zeb Khan, një kandidat i pavarur i lidhur me partinë Pakistaneze Tehreek-e-Insaf (PTI) të ish-kryeministrit Imran Khan, u qëllua në një “vrasje në shënjestër” ndërsa persona të armatosur hapën zjarr mbi makinën e tij sipas policisë së qarkut.

Tre persona të tjerë u plagosën.

Është vrasja e dytë e një kandidati në javët e fundit pasi Malik Kaleem Ullah, një kandidat i pavarur për Asamblenë Provinciale të Khyber Pakhtunkhwa, u qëllua për vdekje një muaj më parë.

Vrasja pason një javë të trazuar në politikën pakistaneze, në të cilën ish-kryeministri Khan u dënua me 14 vjet burg për korrupsion, dënimi i tij i dytë në po aq ditë./CNN

Zgjedhjet e përgjithshme në Pakistan do të mbahen më 8 shkurt.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.