Acidi derdhet aksidentalisht në lum, uji mbulohet nga shkuma e bardhë toksike

Botë | 3 vite më parë

Lumi Rio Seco në Joinville në zonën jugore të Brazilit është kontaminuar me acid sulfurik duke rrezikuar jetën e banorëve që jetojnë në fshatrat përreth. Pas derdhjes aksidentale, lumi është mbuluar nga një shkumë e bardhë, ndërsa autoritetet kanë rrethuar edhe zonën që të mos lejojnë njeri që të afrohet.

Acidi sulfurik u derdh pasi një kamion që transportonte ngarkesën u përplas pranë zonës duke shkaktuar dëme të mëdha mjedisore, raporton BBC.

Acidi sulfurik përdoret për prodhimin e detergjenteve dhe materialeve të pastrimit të shtëpisë dhe është mjaft i dëmshëm për shëndetin e njeriut.

Lumi shërben si burim i ujit të pijshëm për lokalitetet përreth, të cilët janë paralajmëruar të mos e konsumojnë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.