Nxori sekretet shtetërore, dënohet me 10 vite burg ish-kryeministri i Pakistanit

Botë | 3 vite më parë

Ish-kryeministri pakistanez Imran Khan është dënuar me 10 vjet burg për nxjerrje të sekreteve shtetërore.

Khan është aktualisht në burg ku po vuan dënimin prej 3 vitesh për akuzat e korrupsionit. Ish kryeministri i ka quajtur të motivuara politikisht të gjitha akuzat ndaj tij.

Ai u rrëzua nga qeveria nga kundërshtarët e tij si kryeministër në vitin 2022.

Ish-ministri i Jashtëm Shah Mahmood Qureshi u dënua gjithashtu me 10 vjet burg nga gjykata speciale.

E ashtuquajtura “Çështja e kodit” rrotullohet rreth rrjedhjes së supozuar të korrespondencës sekrete diplomatike të dërguar nga ambasadori i Pakistanit në Uashington në Islamabad kur Khan ishte kryeministër, raporton BBC.

Prokuroria tha se veprimet e ish kryeministrit Khan përbënin zbulimin e një dokumenti të klasifikuar dhe dëmtimin e marrëdhënieve diplomatike.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.