I solli telashe në aeroport, ora e Arnold Schwarzenegger shitet për 294 mijë dollarë në ankand

Botë | 3 vite më parë

Ora e dorës që i solli telashe Arnold Schwarzenegger në aeroportin e Mynihut të mërkurën mblodhi 270.000 euro pasi u shit në një darkë në Austri për bamirësie e organizuar prej tij.

Veprimtaria, e cila mblodhi 1.31 milion euro në total, u ndoq nga i dërguari i SHBA-së për Klimën, John Kerry.

Schwarzenegger po përballet me procedura penale tatimore për mosdeklarimin e orës Audemars Piguet tek oficerët e doganës në Mynih pasi ai zbriti nga një fluturim nga Los Anxhelosi.

“Ai nuk ka deklaruar një produkt. Një produkt që u importua nga vende jo anëtare të BE-së për të mbetur në BE. Dhe ky proces vlen për të gjithë”, tha zyrtari i shtypit Thomas Meister.

Meister tha se ish-guvernatori i Kalifornisë dhe ylli i “Terminator” u lirua dhe udhëtoi pasi u mbajt për më shumë se dy orë./ CNN

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.