Papa Françesku dënoi të mërkurën sulmin me raketa iraniane në rajonin e Kurdistanit në Irakun verior dhe u kërkoi të gjitha palëve të shmangin një përshkallëzim të konflikteve në Lindjen e Mesme.

“Unë shpreh afërsinë dhe solidaritetin tim me viktimat, të gjithë civilët, të sulmit me raketa që goditi një zonë urbane që goditi rajonin e Erbilit, kryeqytetin e Kurdistanit irakian. Marrëdhëniet e mira mes fqinjëve nuk ndërtohen me veprime të tilla, por me dialog dhe bashkëpunim. I kërkoj të gjithëve të shmangin çdo hap që rrit tensionin në Lindjen e Mesme dhe skenarë të tjerë të luftës”. Kështu deklaroi Papa Françesku në konferencën e tij.

Gjatë audiencës së tij javore në Vatikan, Papa kujtoj se, “të mos harrojmë vendet që janë në luftë të mos harrojmë Ukrainën, të mos harrojmë Palestinën, Izraelin, të mos harrojmë banorët e Rripit të Gazës që vuajnë kaq shumë: le të lutemi për shumë njerëz. viktima të luftës, sepse lufta shkatërron gjithmonë, nuk mbjell dashuri por urrejtje, lufta është një disfatë e vërtetë njerëzore”, tah Papa.

/rtsh.al/