Blinken: Rruga drejt krijimit të një shteti palestinez është mënyra më e mirë për të izoluar Iranin

Botë | 3 vite më parë

Sekretari amerikan i Shtetit, Anthony Blinken tha të enjten se rruga drejt krijimit të një shteti palestinez është mënyra më e mirë për të stabilizuar Lindjen e Mesme dhe për të izoluar Iranin dhe aleatët e tij.

“Nëse ne ecim në atë rrugë, është mënyra më e mirë e mundshme për të izoluar dhe margjinalizuar Iranin dhe aleatët e tij që po shkaktojnë kaq shumë telashe – për ne dhe pothuajse të gjitha vendet e tjera në rajon,” u tha Blinken gazetarëve pas një takimi me presidentin egjiptian Fatah el-Sisi në Kajro, raporton Reuters.

Vizita e Blinken në Kajro erdhi një ditë pasi Egjipti dhe Jordania paralajmëruan se aksioni ushtarak i Izraelit, i cili ka vrarë më shumë se 23,000 palestinezë, nuk duhet të çojë në zhvendosjen e më shumë se dy milionë njerëzve nga Rripi i Gazës ose në okupimin e zonës nga Izraeli.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.