Parlamenti i Danimarkës ka ndaluar “trajtimin e papërshtatshëm” të teksteve fetare me një projektligj të njohur gjerësisht në vend si ligji i Kuranit. Shkelësit tani përballen me një gjobë ose deri në dy vjet burg pas një votimi 94-77 në parlamentin vendas.

Ai pason një seri djegiesh të librit të shenjtë të Islamit që shkaktoi bujë në vendet muslimane. Danimarka dhe Suedia fqinje kanë parë së fundmi një numër protestash në rrugë për incidente të tilla, duke ngritur shqetësime për sigurinë në Skandinavi.

Në gusht, kur qeveria po propozonte ndryshimet , ministrat thanë se donin t’i dërgonin një sinjal botës pasi panë mbi 170 demonstrata për disa javë, duke përfshirë djegien e Kuranit përpara ambasadave të huaja.

Në atë kohë, shërbimi i inteligjencës PET i Danimarkës paralajmëroi se incidente të tilla kishin rritur kërcënimin terrorist.

Suedia ka parë gjithashtu një seri djegieje të Kuranit dhe shërbimi i saj i sigurisë ka paralajmëruar për një përkeqësim të situatës së sigurisë. Në korrik, ambasada suedeze në Irak u dogj nga protestuesit. Qeveria në Stokholm po shqyrton aktualisht një projekt-ligj të ngjashëm./BBC/

/rtsh.al/