Lufta/ Lirohen 12 pengje nga Hamasi, kthehen në Izrael

Botë | 3 vite më parë

Ushtria izraelite ka deklaruar se 12 pengje të tjerë janë liruar nga Hamasi dhe janë larguar nga Gaza, ndërsa ndodhen në territorin izraelit

Zyra e kryeministrit Benjamin Netanyahu tha se grupi përbëhet nga dhjetë qytetarë izraelitë dhe dy tajlandez.

Ndërkohë, Shërbimi i Burgjeve të Izraelit (IPS) ka konfirmuar se 30 palestinezë janë liruar sipas marrëveshjes së armëpushimit.

IPS deklaroi se të gjithë të burgosurit u liruan nga burgu Ofer në Bregun Perëndimor dhe Qendra e Paraburgimit të Jerusalemit.

Ata u bashkohen 150 palestinezëve të tjerë, kryesisht gra dhe djem adoleshentë, të cilët deri më tani janë liruar nga burgjet izraelite që nga e premtja si pjesë e armëpushimit.

Është dita e pestë e armëpushimit mes Izraelit dhe Hamasit, pasi dje (27 nëntor) u ra dakord për një shtyrje prej 48 orësh./ BBC

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.