Republikanët amerikanë kanë arritur të shkarkojnë kolegun e tyre, kryetarin e Dhomës së Përfaqësuesve, Kevin Mekkarti (o. McCarthy).

Mocioni për shkarkimin e Mekkartit u nxit nga republikani Met Gec (o. Matt Gaetz) i shtetit të Floridës.

Pas 15 muajve që erdhi në detyrë duke kaluar një votim prej 15 raundesh, Mekkarti u shkarkua me 216 vota pro dhe 210 kundër. Në favor të largimit të tij votuan demokratët edhe tetë republikanë të Dhomës së Ulët të Kongresit amerikan.

Kjo është hera e parë në historinë e Amerikës që përfaqësuesit e Dhomës shkarkojnë kryetarin e zgjedhur.

Zhvillimi i fundit pasoi një vendim të marrë nga Mekkarti gjatë fundjavës, kur u duk se ai bashkëpunoi me demokratët në pozitë për të mbajtur qeverinë e presidentit Xho Bajden në funksion në vend që ta paralizonte punën e saj.

Vendimi i Mekkartit zemëroi Gecin dhe republikanët e tjerë të krahut ekstremisht të jashtë, ndërkohë që një grup prej 20 opozitarësh ishin përpjekur ta bllokonin vazhdimisht kalimin e ligjit për qeverinë.

“Më duket se me Metin është një gjë shumë personale. Duket sikur atij nuk i intereson vendi apo ky institucion,” u shpreh Mekkarti, ndërsa pasardhësi i tij ende nuk është vendosur.

/rtsh.al/