Është ndarë nga jeta në moshën 82-vjeçare aktori i njohur i Harry Poter, Sër Majkëll Gembën (Sir Michael Gambon).

Aktori ka qenë i njohur për rolin e profesorit Albus Dumbledore në gjashtë nga tetë filmat e Heri Poter (Harry Potter).

Sër Majkëll gjithashtu u shfaq në “Fantastic Mr Fox”, luajti detektivin francez Maigret dhe luajti në “The Singing Detective”.

E veja dhe djali i tij, sipas BBC, thanë se “burri dhe babai i tyre i dashur” vdiq në paqe me familjen pranë tij pasi vuante nga pneumonia.

Sër Majkëll ishte një yll i dekoruar dhe i kompletuar i skenës dhe ekranit, duke fituar Oliviers, BAFTA dhe Emmy në karrierën e tij gjashtë dekadash.

Ai bëri debutimin e tij në aktrim në një produksion të Othello në Dublin në vitin 1962, duke u bashkuar shpejt me Teatrin Kombëtar në Londër dhe duke vazhduar të punojë në skenat në mbarë Britaninë, në Nju Jork dhe Gjermani.

/rtsh.al/