Të shtunën vazhduan të shtënat me armë zjarri dhe të artilerisë së rëndë në pjesë të ndryshme të kryeqytetit të Sudanit, Khartoum. Megjithë zgjatjen e armëpushimit midis dy gjeneralëve më të lartë të vendit, beteja për pushtet ka shkaktuar qindra viktima ndërsa mijëra të tjerë janë larguar.

Sudanezët e zakonshëm të cilët janë mes zjarrit të kryqëzuar, numri i viktimave arriti në 411 persona. Kjo u bë e ditur nga sindikata e mjekëve të Sudanit, e cila monitoron numrin e viktimave. 

Në disa zona brenda dhe përreth kryeqytetit, banorët raportuan se dyqanet po rihapen dhe normaliteti po kthehej gradualisht, ndërsa shkalla e luftimeve u zvogëlua pas armëpushimit të brishtë.

Por në zona të tjera, banorët e tmerruar raportuan për shpërthime dhe luftëtarë që plaçkisin shtëpitë. Në javën e tretë të luftimeve janë plagosur 2,023 civilë, megjithëse numri i vërtetë pritet të jetë shumë më i lartë. 

Ministria sudaneze e Shëndetësisë tha se numri i përgjithshëm i viktimave, përfshirë luftëtarët, ka shkuar në 528 persona, 4,500 janë të plagosur.  Në qytetin e Genena, kryeqyteti provincial i Darfurit Perëndimor i shkatërruar nga lufta, dhuna e ka vrarë 89 persona. Apnews

/rtsh.al/