Papa do të lejojë për herë të parë gratë të votojnë në një takim global me ndikim të peshkopëve në tetor, lëvizje kjo e cila konsiderohet si historike.

Këto rregulla të shpallura të mërkurën (26 prill), do t’u japin pesë motrave fetare të drejtën e votës në sinod, i cili është një organ këshillues papal. Ndërsa burrat do të vazhdojnë të japin shumicën e votave në tubimin me ndikim.

Në të kaluarën, gratë lejoheshin të merrnin pjesë në tubim vetëm si vëzhguese.

Megjithatë, reformat shihen si një ndryshim i rëndësishëm për Kishën Katolike Romake, e cila ka qenë e dominuar nga meshkujt për shekuj.

Konferenca e Ordinimit të Grave me qendër në SHBA, e cila mbron gratë priftëresha, e ka quajtur reformën “një çarje të rëndësishme në tavanin e xhamit me njolla”.

“Për vite me radhë përfaqësuesit dhe peshkopët e Vatikanit rezistuan, duke lëvizur shtyllën me çdo sinod se pse gratë nuk lejoheshin të votonin. Arsyeja e pashprehur ishte gjithmonë seksizmi. Në të ardhmen e afërt, ne shpresojmë që sinodi të vazhdojë të zhvillohet në një organ plotësisht përfaqësues të popullit të Zotit”, shkroi grupi në Twitter, raporton BBC.

Papa Françesku njoftoi se të drejtat e votës do të zgjerohen edhe për 70 anëtarë jo-klerikalë të komunitetit fetar të zgjedhur me votim me ngritje dore, duke e larguar sinodin nga të qenit një mbledhje vetëm e hierarkisë së Kishës.

Papa, i cili ka mbrojtur reformën, ka thënë se ai shpreson se gjysma e tyre do të jenë gra dhe gjithashtu ka vwnw dhe theksin te përfshirja e të rinjve.

“Është një ndryshim i rëndësishëm, nuk është një revolucion,” tha kardinali Jean-Claude Hollerich, organizator kryesor i sinodit.

/rtsh.al/