Gjyqi ndaj Trump/ Prokurori: Hetim i plotë, rigoroz dhe në kohën e duhur

Botë | 4 vite më parë

Prokurori i Manhatanit, Alvin Bragg në konferencën e tij për mediat ka deklaruar se dalja sot e ish-presidentit amerikan Donald Trump para gjykatës, ishte në kohën e duhur.

Duke mbrojtur çështjen e tij kundër Trump, Bragg përsëriti disa herë se të dhënat me të cilat është ndërtuar akuza ndaj ish-presidentit janë të sakta.

Prokurori këmbënguli se hetimi është i plotë dhe rigoroz teksa ai vuri në dukje përvojën e tij 24 vjeçare, transmeton BBC. Duke iu referuar periudhës dhe kohës në të cilën Trump u soll para gjykatës, prokurori tha se kjo ishte koha e duhur.

Donald Trump është presidenti i parë në histori që përballet me akuza penale.

Aktakuza rrjedh nga një hetim në lidhje me pagesat që Trump ka bërë për aktoren e filmave për të rritur Stormy Daniels gjatë fushatës presidenciale të vitit 2016-ës.

/rtsh.al/

Manhattan district attorney Alvin Bragg

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.