Finlanda u bë anëtare e NATO-s/ Biden: Suedia duhet t’i bashkohet pa vonesë aleancës ushtarake

Botë | 4 vite më parë

Presidenti i Shteteve të Bashkuara të Amerikës, Joe Biden i ka kërkuar Turqisë dhe Hungarisë që të mos kundërshtojnë dhe të mirëpresin Suedinë në Aleancën e Atlantikut të Veriut.

Ky qëndrim i presidentit amerikan vjen pasi Finlanda iu bashkua zyrtarisht aleancës ushtarake këtë pasdite.

Ndërkaq, Biden ka kërkuar nga Hungaria dhe Turqia që të përfundojnë proceset e tyre të ratifikimit të anëtarësimit të Suedisë.

“Mezi pres që edhe Suedia të bëhet anëtare e NATO-s. Sa më shpejt të jetë e mundur”, është shprehur Biden, transmeton Sky News.

Në mënyrë që një vend të anëtarësohet në NATO, të 31 vendet anëtare duhet të bien dakord njëzëri.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.