Britania e Madhe dhe Gjermania interceptojnë avionin rus pranë Estonisë

Botë | 4 vite më parë

Britania e Madhe dhe Gjermania kanë interceptuar avionë rusë pranë hapësirës ajrore të Estonisë. Sipas Ministrisë së Mbrojtjes së Mbretërisë së Bashkuar bëhet e ditur se avionët tajfun të Forcave Ajrore Mbretërore (RAF) nga Krahu Ajror i Ekspeditës 140 me avionët gjermanë kanë shoqëruar një avion rus IL78 Midas pasi nuk iu përgjigj kontrollit të trafikut ajror në Estoni.

Avioni rus po fluturonte midis Shën Petersburgut dhe Kaliningradit, një enklavë ruse që ndodhet midis Polonisë dhe Lituanisë përgjatë Detit Baltik.

Ndërsa shoqërime të tilla janë një mision rutinë i NATO-s, ky ishte aksioni i parë i përbashkët I avionëve të NATO-s nga RAF së bashku me një avion tajfun të forcave ajrore gjermane.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.