Një muaj pas tërmeteve shkatërruese në Turqi dhe Siri, ata që mbijetuan përballen me një të ardhme të pasigurt. Një nga problemet e tyre më serioze është gjetja e një vendi të sigurt për të jetuar.

Të paktën 1.5 milion njerëz tani janë të pastrehë dhe është e paqartë se sa kohë do të duhet për t’u gjetur atyre strehimin e duhur.

Ndërkohë, agjencia turke e fatkeqësive Afad thotë se pothuajse dy milionë njerëz janë larguar nga zona e tërmetit. Disa jetojnë me miqtë ose të dashurit e tyre diku tjetër në vend. Fluturimet dhe trenat jashtë rajonit janë falas për ata që duan të largohen.

Kriza e të pastrehëve e krijuar nga tërmeti është kaq akute për shkak të mungesës reale të hapësirave të sigurta që kanë mbetur në këmbë. Më shumë se 160,000 ndërtesa u shembën ose u dëmtuan rëndë.

Programi i Kombeve të Bashkuara për Zhvillim (UNDP) vlerëson se të paktën 1.5 milionë njerëz janë ende brenda zonës së tërmetit, por nuk kanë ku të jetojnë. Është e vështirë të dihet shifra e vërtetë dhe mund të jetë shumë më e lartë citon BBC.

/rtsh.al/