Sllovenia zgjedh presidenten e parë grua

Botë | 4 vite më parë

Në Slloveni, kandidatja e pavarur Natasa Pirc Musar u bë presidentja e parë grua pasi fitoi të dielën raundin e dytë të zgjedhjeve presidenciale.

Edhe pse u shfaq si një kandidate e pavarur, ajo u mbështet në balotazh nga qeveria e qendrës së majtë.

54-vjeçarja Natasha Pirc Musar është juriste në fushën e të drejtës mediatike dhe të drejtave të njeriut, ka punuar si gazetare dhe prezantuese televizive.

Rivalja e saj, ish ministrja e Jashtme Ange Logar, e mbështetur nga Partia Demokratike Sllovene e qendrës së djathtë, mblodhi 46 % të votave në raundin e dytë të mbajtur dje.

Presidentja e re do të zëvendësojë ish presidentin Borut Pahor, i cili nuk ka të drejtë për një mandat të tretë, ndërsa mandati i dytë aktual i përfundon në dhjetor.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.