Përplasen dy avionë të kohës së Luftës së II Botërore, dyshohet për 6 viktima

Botë | 4 vite më parë

Dy avionë të kohës së Luftës së Dytë Botërore janë përplasur gjatë një parade ajrore në shtetin amerikan të Teksasit, duke shkaktuar vdekjen e të paktën dy personave. Pamjet e publikuara nga ngjarja tregojnë një prej avionëve që godet tjetrin në lartësi të ulët.

Mjetet po merrnin pjesë një një paradë ajrore pranë Dallasit, e cila u zhvillua për të nderuar veteranët në ditën kombëtare të tyre. Shoqata e pilotëve, që pëfaqëson pilotët e linjave ajrore amerikane, tha se dy ish- anëtarë të saj ndodheshin mes personave që humbën jetën.

Disa media raportojnë se nga përplasja mund të kenë humbur jetën gjashtë persona. Administrata federale e aviacionit tha se do të hetonte shkaqet e përplasjes.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.