Një oficer policie raportohet se është vrarë në Schaerbeek , një komunë e pranë Brukselit, pas një goditje me thikë. Lajmi u bë i ditur nga prokurori i kryeqytetit belg. 

Disa media lokale raportojnë se ka qenë një burrë ai që sulmoi dy oficerët e policisë, duke thirrur “Allahu Akbar”. Megjithatë nuk ka ende një konfirmim zyrtar për këtë.

Autori i sulmit, sipas “La Libre Beligique”, është neutralizuar më pas nga një patrullë tjetër policie, pasi është qëlluar me plumb në këmbë dhe në bark. 

Dy policët e plagosur dhe autori i sulmit u transferuan më pas në spital, por njëri prej policëve, i cili u qëllua në pjesën e pasme të kokës, ndërroi jetë si pasojë e plagëve të marra.

Një “dramë e tmerrshme” është komentuar sulmi nga ministrja e Brendshme e Belgjikës, Annelies Verlinden.

“Çfarë drame e tmerrshme. Kjo ngjarje më thyen zemrën. Mendimet e mia shkojnë para së gjithash për familjet, pjesëtarët e policisë lokale dhe gjithë forcat e policisë”,- shkroi ajo në Twitter. Agenzianova

/rtsh.al/