Presidenti i Vanuatu shpërndau parlamentin më 18 gusht, pas një përpjekjeje të disa politikanëve për të rrëzuar kryeministrin. Kryeministri Bob Loughman, pritej të përballej me një mocion mosbesimi kur parlamenti u mblodh pasi një grup ligjvënësish në partinë e tij mbajtën anën e opozitës në një përpjekje për ta hequr atë.

Presidenti i Vanuatu, Nikenike Vurobaravu, nënshkroi një njoftim për shpërndarjen e parlamentit më 18 gusht për të hyrë në fuqi të njëjtën ditë.

Një përpjekje e dështuar e Loughman për të ndryshuar kushtetutën, për të zgjatur ciklet zgjedhore nga katër në pesë vjet, mes ndryshimeve të tjera, kishte shkaktuar pakënaqësi në muajt e fundit.

Udhëheqësi i opozitës, Ralph Regenavu, tha se shpërbërja do të kundërshtohej në gjykatë dhe shumica e anëtarëve të parlamentit ishin në mbështetje të ofertës për të hequr Loughman. “Loughman dhe mbështetësit e tij bojkotuar parlamentin për të shmangur votën e mosbesimit”, tha ai.

/rtsh.al/