Rritja e çmimeve të ushqimeve, Italia prek nivelet më të larta në 38 vitet e fundit

Botë | 4 vite më parë

Rritja e çmimeve të produkteve të shportës në Itali në muajin korrik shënoi një rekord të ri mbresëlënës.

Sipas Institutit Italian të Statistikave, kjo është rritja më e madhe e çmimeve në tridhjetë e tetë vitet e fundit në vendin fqinj.

Në korrik, produktet kryesore ushqimore janë rritur me 9.1%, krahasuar me të njëjtin muaj të vitit 2021. Sipas përllogaritjeve të deritanishme, inflacioni në fund të vitit pritet të jetë 6.7%.

Në të njëjtën kohë, në muajin e fundit rritja e çmimit të energjisë arriti në 42.9%, ndërsa në qershor, gjithmonë me bazë vjetore, ishte 48.7%. Çka çoi në një frenim të vogël të inflacionit, i cili në korrik, bazuar në të dhënat e deritanishme, do të jetë 7.9%./ TGCOM

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.