Greqia përfshihet nga zjarret, dhjetëra njerëz braktisin shtëpitë

Botë | 4 vite më parë

Temperaturat e larta kanë risjellë zjarret në Greqi, ndërsa situata paraqitet problematike në Porto Germeno dhe në Mytika. Qytetarëve i është bërë thirrje që të evakuohen, ndërsa dhjetëra i kanë braktisur shtëpitë.

Në Mytika zjarri ra në një zonë të pyllëzuar, ndërsa flakët janë përhapur me shpejtësi, ndihmuar edhe nga erërat e forta që po fryjnë në zonë.

Për shuarjen e flakëve janë angazhuar 46 zjarrfikës, por situata mbetet shumë kritike. Për shkak të zjarrit është ndërprerë qarkullimi i automjeteve në rrugën provinciale Oinois – Porto Germenos dhe në rrugën provinciale Alepochorio – Psatha – Vilion./ CNN.gr

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.