Bisedimet katërpalëshe midis Türkiye-s, NATO-s, Finlandës dhe Suedisë, të mbajtura në Madrid në margjinat e samitit të NATO-s, kanë përfunduar, raporton Anadolu Agency (AA).

Presidenti i Türkiye-s, Recep Tayyip Erdoğan, sekretari i përgjithshëm i NATO-s, Jens Stoltenberg, presidenti i Finlandës, Sauli Niinisto dhe kryeministrja e Suedisë, Magdalena Andersson, diskutuan aplikimet e vendeve nordike për t’iu bashkuar aleancës, si dhe shqetësimet e Ankarasë në lidhje me këtë çështje.

Bisedimet zgjatën gati dy orë.

Muajin e kaluar, Suedia dhe Finlanda aplikuan zyrtarisht për t’u bashkuar me aleancën, vendim që u nxit nga lufta e Rusisë kundër Ukrainës.

Por Türkiye, një anëtare e kahershme e aleancës, shprehu kundërshtime ndaj aplikimeve të anëtarësimit, duke kritikuar të dy vendet për tolerimin dhe madje edhe për mbështetjen e grupeve terroriste.

Stoltenberg vazhdimisht ka thënë se Türkiye ka “shqetësime legjitime në lidhje me luftën e saj kundër grupit terrorist PKK dhe organizatave të tjera” dhe se PKK konsiderohet një organizatë terroriste nga NATO-ja, Bashkimi Evropian (BE), si dhe Finlanda dhe Suedia.

Në fushatën e saj terroriste mbi 35-vjeçare kundër Türkiye-s, PKK-ja ka qenë përgjegjëse për vdekjen e më shumë se 40 mijë njerëzve, përfshirë gra, fëmijë dhe foshnje.