SHBA dhe Britania e Madhe e kanë cilësuar sulmin rus në qendrën tregtare në Kremenchuk si një sulm terrorist dhe akt mizor i Putin që tregon se barbaria e tij nuk ka fund. Presidenti amerikan Joe Biden tha se Rusia është përgjegjëse për këto mizori.

“Sulmi i Rusisë ndaj civilëve në qendrën tregtare” në Ukrainë “është mizor. Ne qëndrojmë përkrah popullit ukrainas”, u shpreh Biden.

Edhe autoritetet në Britani thanë se  sulmi në qendër tregtare ishte terrorizëm.

“Ky sulm synon qëllimisht civilët. Nuk ka nevojë ushtarake për të bombarduar një qendër tregtare. Ashtu siç nuk kishte asnjë nevojë ushtarake për të bombarduar një maternitet që apo teatrin në Mariupol. Ne i pamë ata duke bombarduar atë teatër ku po strehoheshin civilët, ku ishte shënuar qartë se ndodheshin civilë. Pra, ky nuk është një akt i vetëm. Kjo është pjesë e një modeli të vazhdueshëm të mizorive të kryera nga qeveria ruse“, tha një ministër britanik.

Raketa ruse mbi qendrën tregtare Kremenchuk vrau 16 persona dhe plagosi 59 të tjerë.

/rtsh.al/