Lufta në Ukrainë, Zelensky: Forcat ruse po përgatiten për një sulm të ri në Donbass

Botë | 4 vite më parë

Presidenti i Ukrainës, Volodymyr Zelensky, ka paralajmëruar se forcat ruse po përgatiten për një sulm të ri në Donbass.

Në një mesazh drejtuar popullit ukrainas, Zelensky shprehu bindjen se ata do të mund t’i zmbrapsin forcat ruse jashtë Ukrainës.

“Pushtuesit ende nuk duan të pranojnë se janë në hall dhe se i ashtuquajturi operacion i tyre special tashmë ka dështuar. Populli do t’i shtyjë pushtuesit drejt njohjes së plotë të realitetit”, tha ai.

Duke folur për zonat e pushtuara aktualisht nga rusët, presidenti ukrainas tha se qëndrimi i tyre aty do të jetë i përkohshëm.

“Atje do të valëvitet flamuri ukrainas, do jetë ligji ukrainas dhe jeta ukrainase”, u shpreh Zelensky.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.