Egjipti dërgon ndihma humanitare në Gaza

Botë | 5 vite më parë

Egjipti ka nisur drejt pikës kufitare Rafah karvanin me ndihma humanitare për palestinezët në Rripin e Gazës së bllokuar.

Agjencia zyrtare e Egjiptit, MENA, njoftoi se ndihmat janë dërguar me urdhër të presidentit, Abdel Fattah el-Sisi, në kuadër të koordinimit me palestinezët në Gaza.

Në lajm nuk u bë e ditur se kur do të mbërrijnë ndihmat në Gaza dhe përmbajtjen e tyre.

Situata në Rripin e Gazës që është duke u sulmuar nga ajri dhe toka nga Izraeli që nga 10 maji, po përkeqësohet edhe më tej.

Në sulmet izraelite deri më tani humbën jetën 197 palestinezë, prej të cilëve 58 fëmijë dhe 34 gra ndërsa u plagosën 1.235 të tjerë. Ndërkohë janë shkatërruar dhjetëra ndërtesa.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.