Moti ekstrem ka përfshirë Mbretërinë e Bashkuar, ndërsa veriu është mbuluar nga ngricat dhe i ftohti, në jug të vendit pritet një valë e nxehtë deri në 20 celcius.

Në disa pjesë të Skocisë, temperaturat arritën deri në -5.5C këtë mëngjes ndërsa i ftohti ka goditur britanikët e veriut. Bora ka shkaktuar ndërprerje të udhëtimit këtë mëngjes në Skoci, pasi shumë njerëz u zgjuan nga acari.

Zyra metereologjike në vend ka lëshuar një paralajmërim të motit për disa pjesë të vendit, ndërsa bora e vazhdueshme ka ngadalësuar rrugët dhe hekurudhat.

Paralajmërimi preku zonat e Central, Tayside & Fife, Grampian, Highlands dhe South Ëest Scotland deri në orën 11 të mëngjesit.

Por Britanikët e Jugut shijuan rrezet e diellit sot, pavarësisht nga kushtet e dimrit në veri të vendit. Moti i ngrohtë do të shoqërojë gjithë fundjavën në jug të Britanisë me temperatura që do të arrijnë deri në 20 gradë celcius.