Netanyahu emëron Benny Gantz-in ministër të drejtësisë

Botë | 6 vite më parë

Kryeministri izraelit, Benjamin Netanyahu, është pajtuar të emërojë Benny Gantz-in në krye të Ministrisë së Drejtësisë në qeverinë e përkohshme që udhëheq vendin.

Qeveria izraelite për mocionin do të votojë më vonë përmes telefonit.

Dje, Gjykata e Lartë e Izraelit pezulloi vendimin e qeverisë për të emëruar në portofolin e drejtësisë ministrin e Bashkëpunimit Rajonal, Ofir Akunis.

Vendimi i gjykatës erdhi pasi këshilltari ligjor i qeverisë, Avichai Mandelblit, tha se votimi i djeshëm për të emëruar Akunis-in ishte i paligjshëm.

Qeveria aktuale izraelite funksionon si një kujdestare që nga zgjedhjet e fundit që u zhvilluan në muajin mars, derisa të formohet një kabinet i ri./AA

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.