Fundoset anija e mallrave në Vietnam, 15 të zhdukur

Botë | 6 vite më parë

Të paktën 15 anëtarë të ekuipazhit janë zhdukur pasi një anije mallrash e Panamasë u fundos në detet e Vietnamit, transmeton Anadolu Agency (AA).

Sipas të përditshmes Vietnam Times, anija që transportonte argjilë të Malajzisë në Hong Kong u fundos në brigjet e provincës qendrore të Vietnamit Binh Thuan.

Një operacion kërkimi është duke u zhvilluar për të gjetur 15 persona të zhdukur, 11 shtetas kinezë dhe katër vietnamezë.

Sipas informacioneve fillestare, kapiteni kontaktoi autoritetet në ishullin Phu Quy për një problem me anijen dhe kërkoi leje për të ankoruar.

Megjithatë, anija ishte rreth 2,8 kilometra larg nga porti i provincës Phu Quy kur u fundos.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.