Brexit: Johnson dhe Von Der Leyen sot në Bruksel

Botë | 6 vite më parë

Kryeministri i Britanisë së Madhe, Boris Johnson, këtë të mërkurë do të shkojë në Bruksel, atje do të takohet me Ursula von der Leyen, Presidenten e Komisionit Evropian.

Të dyja palët si ajo e Britanisë së Madhe dhe ajo e Bashkimit Evropian do të bisedojnë për arritjen e një marrëveshjeje përfundimtare për Brexit, transmeton Klan Kosova.

Zyra e Johnsonit ka bërë të ditur se të dy udhëheqësit do të zhvillojnë një takim darke “për të vazhduar diskutimet mbi marrëdhëniet e ardhshme midis Britanisë së Madhe dhe BE-së”.

Johnson para se të takohej kishte deklaruar se situata e bisedimeve tani është e ndërlikuar dhe se ka shpresë nga këto bisedime.

Von der Leyen ka deklaruar se e mirëpret takimin me Johnson dhe vazhdimin e diskutimeve për marrëveshjen tregtare, shkruan Euronews.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.