Pelosi: Trump po tenton të shembë kredibilitetin e zgjedhjeve amerikane

Botë | 6 vite më parë

Drejtuesja e Dhomës së Përfaqësuesve të Kongresit amerikan, Nancy Pelosi, ka akuzuar presidentin aktual Donald Trump se po tenton të shembë kredibilitetin e zgjedhjeve amerikane. Zonja Pelosi i është drejtuar opinionit derisa po vazhdon numërimi i votave të zgjedhjeve presidenciale në SHBA. “E kemi ditur se do të shpikë diçka, përveç që po tenton të shembë kredibilitetin e zgjedhjeve amerikane. Është diçka për çka kemi kritikuar vendet e tjera, kurse tani po ndodh tek ne, sulm në zgjedhjet tona” ka thënë zonja Pelosi. Kundërshtarja e njohur e presidentit aktual është shprehur e bindur se Joe Biden dhe Kamala Harris do të hyjnë në Shtëpinë e Bardhë dhe thotë se është shumë e lumtur për këtë.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.