Projeksionet për Ballkanin Perëndimor – Banka Botërore parashikon përshpejtim të mëtejshëm në 2025

Ekonomi | 2 vite më parë

Banka Botërore parashikon një ecuri pozitive për ekonomitë e vendeve të Ballkanin Perëndimor përgjatë vitit 2025.

Projeksionet pozitive bazohen tek rritja e konsumit dhe investimeve, te mbështetura nga fuqia blerëse në rritje, kjo sipas Raportit Periodik për Ballkanin Perëndimor.

Banka Botërore parashikon që rritja ekonomike e kombinuar e Shqipërisë, Bosnjës Hercegovinës, Kosovës, Malit të Zi, Maqedonisë së Veriut dhe Serbisë do të arrijë në 3.7% në 2025, me një rishikim me 0.2 pikë përqindjeje më lart krahasuar me edicionin pranveror të raportit.

Ndërkohë për vitin 2024 rritja në tërësi parashikohet të përmbyllet në 3.3%, lehtësisht me mirë krahasuar me parashikimet fillestare.

Faktorë te brendshëm por edhe një rritje e eksporteve drejt BE vazhdojnë të mbështesin një përshpejtim të moderuar të rritjes, por pavarësisht parashikimeve pozitive, rajoni mbetet i ekspozuar ndaj goditjeve të jashtme.

Sipas raportit, për të ruajtur këtë moment pozitive dhe për të përshpejtuar konvergjencën me BE, nevojiten reforma strukturore, përfshirë ato të parashikuara në Planin e Rritjes të Bashkimit Evropian. Nder reformat e kërkuara janë përmirësimi i tregtisë rajonale dhe asaj me BE, reduktimi i kohës se pritjes në kufi si dhe integrimi i sistemeve te pagesave. Për më tepër, përballimi i sfidave demografike dhe të tregut të punës kërkon një fokus të fortë në zhvillimin e kapitalit njerëzor me qellim kapërcimin nga niveli i të ardhurave të mesme në atë të te ardhurave te larta, ku përmirësimi i sistemeve të arsimit dhe shëndetësisë është thelbësor.

Raporti gjithashtu konstaton se ne një kohe kur një në katër individë nga Ballkani Perëndimor aktualisht jeton jashtë vendit, afrimi dhe menaxhimi më i mirë i fuqisë punëtore nga vende jashtë kontinentit dhe që janë te pranishme ne rajon, mund të jetë një nxitës i rëndësishëm për zhvillimin ekonomik.

Gazetar: Omer Saraçi

/rtsh.al/


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme